Бу дьыл олунньу ый 14 – 16 күннэригэр Саха Өрөспүүбүлүкэтин үтүөлээх учуутала, методист –учуутал, Кэбээйи улууһун бочуоттаах олохтооҕо Дьяконова Акулина Ильинична аатыгар саха тылын уонна литературатын учууталларыгар аналлаах “ Ийэ тылбыт — барҕа баайбыт” III өрөспүүбүлүкэтээҕи күрэс ыытылынна.
Күрэһи тэрийэн ыыттылар: Кэбээйи улууһун Н. Х. Дьяконов аатынан Тыайа орто оскуолата, С.Н. Донской –II аатынан Yөрэҕи сайыннарар уонна идэни yрдэтэр институт, Кэбээйи улууһун үөрэҕин салалтата, А. И. Дьяконова оҕолоро, сиэннэрэ.
Күрэххэ уопсайа 42 киһи (учуутал, оҕо, төрөппүт) өрөспүүбүлүкэ араас улуустарыттан кытыннылар: Кэбээйи, Сунтаар, Бүлүү, Ньурба, Эбээн-Бытантай, Бүлүү, Мэӊэ-Хаӊалас улуустара көхтөөх кыттыыны ыллылар. Күрэс 3 араас көрүҥүнэн куйаар ситиминэн ыытылынна.
