Бүгүн Нам улууһугар оҕо уһуйааннарын үлэһиттэрин уонна алын сүһүөх кылаас учууталларын «Преемственность дошкольного и начального общего образования: траектория взаимодействия и развития» улуустааҕы форума ыытылынна.
Форум пленарнай чааһа Аппааны бөһүөлэгин «Чороон» норуот айымньытын киинигэр тэрилиннэ.
Тэрээһиҥҥэ «Нам улууһа» МТ баһылыга Юрий Иннокентьевич Слепцов кыттыыны ылла.
Юрий Слепцов эҕэрдэ тылыгар билиҥҥи түргэн сайдыылаах кэмҥэ оҕо уһуйааннара уонна начальнай оскуола хайа да сыллардааҕар биир ситимнээхтик үлэлиэхтээхтэрин тоһоҕолоон эттэ. «Быйылгы Улуу Кыайыы 80 сыллаах юбилейынан олохпут бары хайысхаларыгар бииргэ кыайыылаахтык үлэлиэхтээхпит. Онон бүгүн үчүгэй кэпсэтии тахсан, сөптөөх быһаарыы ылыныллан, инники үлэҕэ-хамнаска туһалаах буоллун, инникитин бары бииргэ үлэлиэххэйиҥ”, — диэн ыҥырда.
