С.Н. Донской-II аатынан Үөрэҕи сайыннарар уонна идэ таһымын үрдэтэр үнүстүүт, ГАТ «КК «Арктикатааҕы эпос уонна ускуустуба Киинэ», Дьокуускай куораттааҕы “Айыы кыһата” национальнай гимназия тэрийиилэринэн, киһи аймах тылынан уонна өйүнэн айбыт култуурунай нэһилиэстибэтин чулуу айымньытынан билиниллибит Олоҥхоҕо аналлаах үгэс буолбут VI Өрөспүүбүлүкэтээҕи куйаар ситиминэн ыытыллыбыт Олоҥхо олимпиадатын түмүгэ таҕыста.
Уус-уран тылынан сааһылаан суруйары, ааҕары иҥэрэр, сиһилии ымпыктаан быһаарар сүдү айымньы олоҥхобут буоларын биллэрэр сыаллаах олимпиадаҕа 7 кылааска — 171, 8 кылааска-174, 9 кылааска — 131, 10 кылааска — 63 үөрэнээччи барыта өрөспүүбүлүкэ 24 улууһуттан (Абый, Амма, Алдан, Бүлүү, Горнай, Кэбээйи, Ленскэй, Ньурба, Үөһээ Бүлүү, Сунтаар, Эдьигээн, Мэҥэ Хаҥалас, Мииринэй, Нам, Өлөөн, Өлүөхүмэ, Орто Халыма, Таатта, Уус Алдан, Уус Дьааҥы, Үөһээ Дьааҥы, Эбээн Бытантай, Чурапчы, Хаҥалас ) уонна Дьокуускай куораттан барыта 539 үөрэнээччи кытынна.
Олимпиада кыттааччылара түөрт түһүмэхтэринэн («Олоҥхо ис хоһооно», «Олоҥхо уран тыла», «Олоҥхо – үтүө санаа өрөгөйө», «Олоҥхо тылдьыта») сорудахтарга эппиэттээтилэр. Хоруй хаачыстыбата биллэ тупсубут, толору эппиэт элбээбит диэн бэлиэтээн этиэххэ сөп.
Куйаар ситиминэн ыытыллыбыт олоҥхо олимпиадатыгар көхтөөхтүк кыттыбыт бары үөрэнээччилэри, учууталлары эҕэрдэлиибит!
Дьупулуомнары, туоһу суруктары, боротокуоллары хачайдаан ылаҕыт.
Сыаналыыр сүбэ
