РНА СС гуманитарнай чинчийии уонна хотугу аҕыйах ахсааннаах омуктар проблемаларын үөрэтэр институт саха тылын салаата
С.Н.Донской II аатынан Үөрэҕи сайыннарар уонна идэни үрдэтэр институт
IX өрөспүүбүлүкэтээҕи «Мэңэ ааттар – норуот тыла уонна устуоруйата» ааттары үөрэтиигэ (ономастикађа) көрдүүр-чинчийэр кэмпириэнсийэ балаһыанньата
Ыытыллар күнэ: кулун тутар 18 күнэ, 2020 сыл.
Буолар сирэ: Хаҥалас улууһун А.Д.Широких аатынан Төхтүр орто оскуолата
Кэмпириэнсийэҕэ кытталлар: 4-11 кылаас үөрэнээччилэрэ, учууталлар, кыраайы үөрэтээччилэр, түмэл (музей), бибилэтиэкэ, архыып үлэһиттэрэ.
Кэмпириэнсийэ сыала:
— Саха АССР оскуолатын үтүөлээх учуутала, историк, кыраайы үөрэтээччи, Саха сиригэр ааттары үөрэтиини төрүттээбит М.С.Иванов-Багдарыын Сүлбэ топонимикаҕа оҥорбут сүдү кылаатын эдэр көлүөнэҕэ тиэрдии, ономастика билимигэр чинчийэр үлэҕэ үөрэнээччилэри, учууталлары сыһыарыы.
— Үөрэнээччилэр, учууталлар уонна кыраайы үөрэтээччилэр, ааттары, норуот үгэстэрин, үһүйээннэрин, номохторун хомуйан, төрөөбүт дойдуларын устуоруйатын, култууратын, фольклорун билэр-үөрэтэр, киэҥ эйгэҕэ таһаарар, чинчийэр үлэлэрин көҕүлээһин.
— Кэнчээри ыччакка төрөөбүт дойдуга тапталы, бэриниилээх буолууну иитии.
— Хомуллубут матырыйааллары улуус, өрөспүүбүлүкэ устуоруйатын үөрэтиигэ туһаныы.
Барылланар хайысхалар:
1) Үөрэнээччилэргэ:
1. Багдарыын Сүлбэ топонимикаҕа, антропонимикаҕаүлэлэрин ырытыы
2. Сир-дойду аата (топонимика):
-төрөөбүт дойдум сирдэрин ааттара
-сир ааттарын аатылаһын оҥоруу;
3. Киһи аата (антропонимика):
— норуот үгэстэрэ, үһүйээннэр, номохтор;
— уус-уран айымньыга, фольклорга персонаж аатын суолтата.
— аныгы сахалыы ааттар.
4. Аҕа дойду Улуу сэриитин кэмигэр мин аймахтарым олохторо;
Бөһүөлэкпит бойобуой уордьаннаах сэрии кыттыылаахтара;
Тыыл кэминээҕи олох туһунан кырдьаҕас дьон кэпсээннэрэ(бэчээккэ тахсыбатах)
2) Учууталларга, кыраайы үөрэтээччилэргэ:
— Багдарыын Сүлбэ топонимикаҕа, антропонимикаҕаүлэлэрин ырытыы;
— ааттары оскуолаҕа үөрэтиини тэрийии уопутуттан;
— норуот үгэстэрин аныгы кэмҥэ күннээҕи олоххо киллэриигэ үлэлэр, бырайыактар;
-Уус-уран литератураҕа персонаж аата айымньыга суолтата(уруокка туттуллар эбии матырыйаал)
Кэмпириэнсийэ бырагырааматыгар торумнанар «Төрөөбүт тылы, норуот үгэстэрин аныгы кэмҥэ үөрэтии кэскилэ“ төгүрүк остуолга этиилэргитин санааларгытын бэлэмнэнэн кэлэргитигэр.
Кыттааччылар сайаапкалары, тиэсистэргитин кулун тутар 15 күнүгэр диэри маннык аадырыска E-mail: meneaat_tsosh@mail.ru ыытаргытыгар. Тезискэ ирдэбил: Windows 7 (встроеннай) сахалыы шрибинэн, 1,5-2 илиистэн ордуга суох үлэ.
Кыттыы усунуоһа: 150 солк. Кыттар оскуолалартан хас үөрэнээччи, салайааччы кэлэрин эрдэ төлөпүөнүнэн сэрэтэргитигэр.
Наҕараадалааһын: кыттааччылар өрөспүүбүлүкэ таһымнаах туоһу суругу туталлар; бастыҥ үлэлээхтэр дипломунан, бирииһинэн бэлиэтэнэллэр.
Тэрийэр хамыыһыйа: Багдарыын Ньургун Сүлбэ уола, Гуманитарнай чинчийэр институт научнай үлэһитэ, хамыыһыйа бэрэссэдээтэлэ; Лукина Анна Михайловна, саха тылын учуутала, хамыыһыйа сэкирэтээрэ.
Ыйыталаһарга биһиги аадырыспыт: 678017 Хаҥалас улууһа, Төхтүр бөһүөлэгэ, оскуола, кэмпириэнсийэ тэрийээччилэригэр (Лукина Анна Михайловна, саха тылын учуутала) Тел.: 21-1-33, 89627315251.
Сайаапка холобура
| Кыттааччы толору аата, кылааһа | Улууһа, оскуолата | Дакылаатын аата (хайысхата) | Салайааччытын толору аата, билсэргэ төлөпүөнэ, эл.почтата |