Саха тылыгар сорудахтар В уонна С чааска арахсаллар. В чааска фонетика, лексика, морфология, синтаксис салааларыгар сыһыаннаах ыйытыктар уонна ырытыы, онтон С чааска бэриллибит тиэмэҕэ санааны сааһылаан суруйуу ирдэнэр.
Тохсус кылааска кэтэхтэн түһүмэххэ саамай үрдүкү баал 76, намыһаҕа -54, онтон чыпчаал түһүмэххэ (супер-финалга) үрдүкү баал-70, намыһаҕа -21 буолла. В чааска 9 кылааска 58 саамай үрдүк баалы Дайбаннырова Анжелика Таатта улууһун Харбалаах орто оскуолатын үөрэнээччитэ ылла (учуутала: Кривошапкина Валентина Семеновна), онтон өйтөн суруйууга 20 баалтан 15 баалы ыллылар: Антонова Олеся Майа лицейэ (учуутала Слободчикова Тамара Егоровна), Дорофеева Ариана Таатта лицейэ (учуутала Баланова Полина Сергеевна), Протопопова Туйаара Нам улууһун 2-с Хомустаах орто оскуолата (учуутала Аргунова Марианна Васильевна). 9 кылаастарга ордук чуолаан ыарырҕаппыттар: тыл, сомоҕо домох суолтатын быһаарыыга, синьиэньим кэккэтин булууга.
Онус кылааска кэтэхтэн түһүмэххэ үрдүк баал 65, намыһах-40,5, онтон чыпчаал түһүмэххэ үрдүкүтэ-69, намыһаҕа-27 баал буолла. В чааска үрдүкү баалы ылан чаҕылхай билиини көрдөрдүлэр Васильева Кристина, Ньурба улууһун Акана орто оскуолата (учуутала Сергеева Ульяна Николаевна), Республиканскай лицейтэн Борисова Валерия (учуутала Сорова Ирина Николаевна). Өйтөн суруйууга бастыҥ үлэлээх үөрэнээччилэр: Иванова Эльза Мэҥэ-Хаҥалас улууһун Чүүйэ орто оскуолатын үөрэнээччитэ (учуутала Охлопкова Александра Николаевна) история, төрүт култуура, литература учууталын хараҕынан «Улуу Кудаҥса дьиҥнээх салайааччы дуо?», «Бу айымньыга кэпсэнэр көстүүлэри наука хайдах быһаарыан сөбүй?” диэн ыйытыыларга эппиэттиир курдук, уратытык толкуйдаан суруйбута кэрэхсэбиллээх, оттон Республикатааҕы лицейтэн Саввинова Кристина тулалыыр эйгэ, күн-дьыл туругун (климат уларыйыытын) «Улуу Кудаҥса» айымньыны кытта олус бэркэ сибээстээбит.
Бу кылааска ордук тылы састаабынан ырытыыга сыһыарыы араастарыгар ыарырҕаппыттар.
Уон биирис кылааска кэтэхтэн түһүмэххэ муҥутуур баал 79,5 намыһах 42, онтон финалга үрдүк баал 79, кыра баал 20 -ҕэ тэҥнэстэ. В чааска тылы билиигэ уонна ырытыыга үрдүк баалы ыллылар: Республикатааҕы лицейтэн Лепчикова Софья-61 б, Слепцова Олеся-59 б (учууталлара Сорова Ирина Николаевна), Николаева Александра, Ньурба техническэй лицейэ-59б(учуутала Данилова Светлана Егоровна), Винокурова Нюргуяна, Томпо улууһун Кириэс-Халдьаайы орто оскуолата-57,5б (учуутала Павлов Гаврил Кириллович). Онтон өйтөн суруйууга ордук үчүгэйдик тиэмэни арыйбыттар: Николаева Александра (Ньурба лицейэ), учуутала Данилова Светлана Егоровна), Николаева Уйгулаана (Чурапчы орто оскуолата), учуутала Иванова Екатерина Васильевна).
11 кылааска биир састааптаах этии араастарын быһаарыыга, даҕаамырга, араарыллыбыт сиһилиигэ сурук бэлиэтин туруорууга ордук ыарырҕаппыттар.
Кэпсэтии тылын олимпиадатын сорудахтарыгар урукку бэриллибит түһүмэхтэри таһынан эбии биир саҥа түһүмэх киирбитэ. «Чөл олоҕу тутуһуу», «Сөбүлүүр дьылым кэмэ», «Интернет мин олохпор оруола» диэн тиэмэлэргэ санааны сааһылаан тэттик кээмэйдээх тиэкис суруйуу. Бу олимпиадаҕа оҕолор ордук сөбүлээн, үчүгэйдик толорор түһүмэхтэрэ талар сорудахтардаах тургутук. Тиэкиһи болҕомтолоохтук истэн олорон ис хоһоонунан боппуруостарга эппиэттиир түһүмэххэ кыттааччылар аҥардара бэркэ толорбуттар. Тиэкиһи суруйууга кыттааччы 70% ирдэнэр кээмэйи таһынан элбэҕи санааларын суруйбуттар. Ол эбэтэр кыттааччылар олимпиада саҥа киирбит түһүмэҕэр, тиэкис суруйуутугар, толору кыах баарын көрдөрдүлэр. Ахсыс кылааска бастыҥ көрдөрүүлээх үөрэнээччилэр: Тарасова Николина (Амма лицейэ), Винтоняк Северина (Дьокуускай куорат 26-с нүөмэрдээх орто оскуолата), Яковлева Нарыйаана (Бүлүү гимназията), тохсус кылаастарга ордук чаҕылхай билиилэри көрдөрдүлэр: Хаҥалас улууһун Покровскайдааҕы гимназиятыттан Малышева Валерия, Лебедева Алена уонна Амма лицейиттэн Забаровская Екатерина. Онтон 10-11 кылаастарга киэҥ билиилээх, үрдүк таһымнаах үөрэнээччилэринэн ааттаннылар: Хаҥалас улууһун Покровскай гимназиятыттан Тимофеева Елизавета, Антонова Камила уонна Дьокуускай куорат 1-нүөмэрдээх орто оскуолатыттан Петрова Саина. Үөрэнээччилэр олимпиада сорудахтарын толорор кэмнэригэр учууталларга аналлаах икки хайысханан семинар ыытылынна. Семинарга саха тылыгар, кэпсэтии тылыгар олимпиада сорудахтарын, ис хоһоонун чопчуластыбыт, ханнык салааларга ордук болҕойон дьарыктаныахтаахтарын быһаарыстыбыт, сүбэ-ама бэристибит. Эһиил ыытыллар олимпиадаларга учуоттаныахтаах блппуруостары чуолкайдаһан, олимпиадабыт ыытыллар таһыма өссө үрдээн, ис хоһооно дириҥииригэр бары бииргэ үлэлиэхпит диэн биир санааҕа кэллибит.
Күндү учууталлары сыралаах үлэҕит түмүктээх буолбутунан, сыаналаммытынан, үөрэнээччилэри чаҕылхай ситиһиигитинэн эҕэрдэлиибит!
Дьүүлүүр сүбэ
]]>