II өрөспүүбүлүкэтээҕи олоҥхо олимпиадатын
балаһыанньата
С.Н.Донской-II аатынан Үөрэҕи сайыннарар уонна идэни үрдэтэр
үнүстүүт, СӨ АТ “Олоҥхо тыйаатыра”, научнай-методическай үлэҕэ уонна
тас сибээскэ Олоҥхо Киинэ, Дьокуускай куораттааҕы “Айыы кыһата”
национальнай гимназия норуот тылынан уус-уран айымньытын чыпчаала
буолар олоҥхобутун дириҥник билиигэ туһуланар II өрөспүүбүлүкэтээҕи
дистанционнай олоҥхо олимпиадатын ыыталлар.
Олимпиада сыала:
Олоҥхо уус-уран тылынан санааны сааһылаан суруйар, сиһилии
ымпыктаан быһаарар, толкуйдуур, хоһуйар үөрүйэҕи иҥэрэр сүдү айымньы
буоларын биллэрии; олоҥхо үтүө, сырдык санаатын, олоххо дьулууру
иҥэриитин тириэрдии.
Соруктара:
Олоҥхону ааҕарга көҕүлээһин;
Олоҥхо–уус-уран тылыгар, барҕа баайыгар, болҕомтолоох буолары
ситиһии;
Төрөөбүт тылга ытыктабылы, тапталы иҥэрии;
Ырытар, айар, чинчийэр дьоҕуру сайыннарыы.
Олимпиада кыттааччылара: 7-10 кылаас үөрэнээччилэрэ
Ыытыллар кэмэ: 23.11-26.11.2021.
Үлэлэри толорор бүтэһик күн: 26.11.2021, 21.00ч. платформа сабыллар.
Олимпиада сорудахтарын сигэтэ Үөрэҕи сайыннарар уонна идэни
үрдэтэр үнүстүүт саайтыгар (http://iroipk-sakha.ru ) ыйыллыбыт кэмигэр
тахсыаҕа. Сорудахтары Google Forms сигэтинэн киирэн толоруллар.
89142907841(Ядрихинская Ф.В)
Түмүк тахсар күнэ: 04.12.2021с.
Олимпиада түһүмэхтэрэ.
Олимпиада 4 түһүмэхтээх буолар. Сорудахтара кылаас ахсын үөрэх
бырагырааматынан ааҕыы, ырытыы уонна ааҕыы, сэһэргэһии салааларга
киирбит олоҥхолорго тирэҕирэр.
Бастакы түһүмэх «Олоҥхо ис хоһооно». Олоҥхо ис хоһоонугар
сыһыаннаах сорудах. Ыйытыкка толору хоруй ирдэнэр. Эппиэт ис
хоһоонуттан көрөн, таба эппиэккэ түөрт баал бэриллэр. Муҥутуур баал: 60.
Иккис түһүмэх «Олоҥхо уран тыла». Бу сорудах олоҥхо ойуулуурдьүһүннүүр ньымаларыгар сыһыаннаах, быһаарар, ситэрэр эппиэти ирдиир.
Муҥутуур баал: 40.
Үһүс түһүмэх «Олоҥхо – үтүө санаа өрөгөйө». Бырагырааманан
бэриллибит, эбэтэр бэйэ аахпыт олоҥхоҕо сыһыаннаах уус-уран суруйууга
(кылгастык) ананар сорудах. Бэриллибит тиэмэни тэнитэн суруйуу. 7-8
кылаас –100 тыллаах, 9-10 кылаас –150 тыллаах суруйуу ирдэнэр. Бэйэ
суруйуута 15 баалынан сыаналанар. Муҥутуур баал:15.
Төрдүс түһүмэх. «Олоҥхо тылдьыта». Бэриллибит биирдиилээн
тылы, олоҥхо олуктарын быһаарыы. Тылы толору быһаарыыга иккилии баал,
онтон олугу быһаарыыга үс баал бэриллэр. Муҥутуур баал: 35.
Түөрт түһүмэххэ барытыгар холбоон 150 баал бэриллэр.
Түмүк кылаастарынан тус-туһунан тахсар:
7 кылаас (1,2, 3 истиэпэннээх диплом, биһирэбил диплом);
8 кылаас 1,2, 3 истиэпэннээх диплом, биһирэбил диплом);
9 кылаас 1,2, 3 истиэпэннээх диплом, биһирэбил диплом);
10 кылаас 1,2, 3 истиэпэннээх диплом, биһирэбил диплом);
Хас биирдии кыттааччыга Туоһу сурук, Диплом электроннай
аадырыстарга ыытыллар.
Аата, оскуолата суруллубутах үлэлэр бэрэбиэркэлэммэттэр.
Күндү үөрэнээччилэр, олоҥхоҕо анаммыт олимпиадаҕа ситиһиини
баҕарабыт уонна көхтөөх кыттыыны ыларгытыгар ыҥырабыт.
Уопсай түмүк Үөрэҕи сайыннарар уонна идэни үрдэтэр үнүстүүт
саайтыгар тахсыаҕа.
Дьүүллүүр сүбэ
Related posts:
II республиканский дистанционный конкурс читателей «Моя любимая книга»
16 лучших учителей Якутии 2022 года
Уважаемые учителя!
республиканский этап всероссийского конкурса «Сердце отдаю детям»
Курсы детского движения Якутии: «Сильная команда – мощная организация»
Научно-методический семинар«Международный и российский опыт работы с одаренными детьми»