«Саха тылын, литературатын уонна култууратын ʏөрэтиигэ аныгы ʏөрэх технологиялара» өрөспүүбүлүкэтээҕи сэминээр («Методическай чаас»)
Бу дьыл муус устар 15 кʏнүгэр Учууталлар идэлэрин үрдэтэр институт методистара Шишигина Василиса Романовна, Ядрихинская Феврония Васильевна көҕүлээһиннэринэн ыытыллар «Методическай чаас» түмсүүгэ «Саха тылын, литературатын уонна култууратын ʏөрэтиигэ аныгы ʏөрэх технологиялара» өрөспүүбүлүкэтээҕи сэминээр аныгы ирдэбил сиэринэн zoom платформаҕа ыытылынна. Сэминээргэ Өлүөхүмэ оройуонун саха тылын, литературатын, култууратын учууталаарын методическай түмсүүтүн үлэтин уопутун билсиһии буолла. Сэминээргэ Өлүөхүмэ үөрэҕин салалтатын сүрүн специалиһа Томская Елена Ивановна оройуоҥҥа саха тылын, литературатын уонна төрʏт култуураны үөрэтии хайысхаларын ыйда.
Методическай түмсүү үлэтин ис хоhоонун бу оройуон түмсүүтүн 17-с сылын салайар А.Г.Кудрин-Абаҕыыныскай аатынан Абаҕа орто оскуолатын учуутала Уйгурова Раиса Иннокентьевна билиһиннэрдэ. Биир сонун түгэнинэн бу түмсүү кэнники 15 сыллаах үлэтин көрдөрөр “Төрөөбүт тыл төлкөтүн түстээччилэр” диэн кинигэ сүрэхтэниитэ буолла. Кинигэҕэ өр сылларга төрөөбүт тылы, литератураны, культураны үүнэр көлүөнэҕэ үөрэппит уонна билигин үөрэтэ сылдьар учууталлар уруоктара, кылааһы таһынан үлэлэрэ киирбиттэр, ону сэргэ методическай түмсүү араас сылларга ыыппыт тэрээһиннэрэ: “Методическай десант”, “Төрөөбүт тыл бастыҥ учуутала”, “Саха литературатын бастыҥ учуутала” конкурстар, сахалыы букубаар 100 сылыгар аналлаах тэрээһин, нэһилиэнньэни кытта үлэ, конференциялар сырдатыллаллар.
Мунньах «Сайыннарыылаах үөрэх ньыматын туhаныы» салаатыгар А.Л..Бахсыров аатынан Кыыллаах орто оскуолатын учуутала Банчина Айталина Аркадьевна «Аныгы үөрэх платформаларын саха тылын үөрэтиигэ туһаныы көдьүүhэ: Я-класс, googl-форма», Н.М.Корнилов аатынан 2-с Нөөрүктээйи орто оскуолатын учуутала Куприянова Дария Романовна «Саха, нуучча литературатын уруоктарын силбэһиннэрэн үөрэтии көдьүүhүн үрдэтэр үлэ көрүҥэ», Өлүөхүмэ куоратын 1 №-дээх орто оскуолатын учуутала Николаева Мария Валериевна «Нуучча тыллаах оскуолаҕа саха тылын үөрэтии уратыта», А.Я.Филиппов аатынан Хоро орто оскуолатын учуутала Николаева Полина Дмитриевна «Төрʏт культураны үөрэтэргэ көҕүлээһин ньымалара», П.П.Ощепков аатынан Токо орто оскуолатын учуутала Николаева Алена Кимовна «Оонньуу нөнʏө оҕону сайыннарыы сорох ньымалара», В.И.Сергеев аатынан Үҥкүр орто оскуолатын учуутала Ларионова Юлия Ивановна «Использование приемов критического мышления на уроках КНРС(Я) в начальных классах» дакылааттарын истии, ол тула кэпсэтиһии буолла. Мунньах «Уруок таhынан үлэ” диэн үһүс чааһыгар истээччилэр А.Г. Кудрин-Абаҕыыныскай аатынан Абаҕа орто оскуолатын учуутала Винокурова Аграфена Павловна «Саха литературатын уруогун уруогу таһынан дьарыгы кытта силбэһиннэрии», Өлүөхүмэ куоратын 2 №-дээх орто оскуолатын учуутала Павлова Анна Гаврильевна «Уруогу таһынан үлэҕэ бырайыак технологиятын туhаныы — сайыннарыылаах үөрэх ирдэбилэ» диэн дакылааттарын сэҥээрдилэр.
Ити курдук араас омук олорор Өлүөхүмэ оройуонун саха тылын, литературатын, культуратын учууталлара өрөспүүбүлүкэ араас муннуктарыгар олорор биир идэлээхтэрин кытта үлэлэрин уопутун үллэһиннилэр, санаа атастаһыытыгар этиллибит биир идэлээхтэр сэҥээриилэрэ, үтүө тыллара методическай түмсүү кыттыылаахтара салгыы үлэлииллэригэр көмө-тирэх буолуоҕа.
