2021 сыл муус устар ый 10 күнүгэр К.С.Чиряев аатынан норуот педагогикатын Киинин тэрээһининэн төрөппүттэргэ республиканскай Чиряев ааҕыылара буолла. Ааҕыы Үөһээ Бүлүү улууһугар Чиряев ааҕыылара тэриллибитэ 25 сылыгар ананна. Улууска бастакы ааҕыы өссө Константин Спиридонович тыыннаах эрдэҕинэ, 70 сааһын туолар тэрээһиннэр чэрчилэринэн, ыытыллыбыта. Онтон тиһигин быспакка 25 сыл устата буолла.
Быйылгы ааҕыыларга биһиэхэ өйөбүл буолан көмөлөстө С.Н.Донской-II аатынан Үөрэҕи сайыннарар уонна идэни үрдэтэр институт. Ааҕыыларбытыгар барыта 82 доклад киирдэ, 90 киһи кыттыыны ылла.
Улуустарынан ыллахха: Үөһээ Бүлүү –(35 кыттааччы) , Амма – (6 кыттааччы), Чурапчы – (6 кыттааччы), Нам – (14 кыттааччы), Горнай – (1кыттааччы), Мэҥэ-Хаҥалас – (6 кыттааччы), Абый – (3 кыттааччы), Таатта – (1кыттааччы), Хаҥалас – 1 (кыттааччы), Сунтаар – (2 кыттааччы), Кэбээйи – (3 кыттааччы), Верхоянскай – (3 кыттааччы), Иркутскай уобалас – (1 кыттааччы) докладынан кытыннылар.
Бииртэн биир интэриэһинэй, сиппит-хоппут доклад элбэх. Төрөппүттэр оҕолорун иитиитин ньымаларын, өбүгэлэрбит үгэстэрин оҕоҕо иҥэриини, дьиэ кэргэн дьарыгын, төрүччүнү үөрэтиини, оҕолоругар идэни талыыга көмөлөрүн, киэн туттар ыалларын, биир дойдулаахтарын, оскуолаҕа төрөппүт комитетын үлэтин, аҕалар түмсүүлэрин о.д.а. боппуруостарга сиһилии докладтары суруйбуттар.
Жюри быһаарыытынан ФИНАЛГА 20 доклады ЗУУМ ситиминэн иһиттибит уонна маннык түмүгү таһаардыбыт:
Жюри быһаарыытынан кыттыбыт төрөппүттэрбитигэр сертификат, финалга кыттыбыттарга ИРОиПК опыт тарҕатыытын туһунан сертификата, кыайыылаахтарга грамота бэриллэр.
Төрөппүттэр маннык тэрээһиннэр олус наадалаахтарын, улуус аайы Чиряев ааҕыылара ыытыллаллара наадалааҕын санаа атастастылар. Уонна биир баҕа санаалара, бу манна кыттыбыт докладтара сборник буолан тахсарыгар баҕа санааларын биллэрдилэр.
Васильева Р.А., К.С. Чиряев аатынан норуот педагогикатын Киинин директора.