БАСТАКЫ ӨРӨСПҮҮБҮЛҮКЭТЭЭҔИ ОЛОҤХО оЛИМПИАДАТЫН ТҮМҮГЭ

С.Н.Донской-II аатынан Үөрэҕи сайыннарар уонна идэни үрдэтэр институт филология  кафедрата, Дьокуускай куорат  үөрэҕин салалтата, уонна “Айыы кыһата” национальнай гимназията тэрийбит  7-10 кылаас үөрэнээччилэригэр анаан ыытыллыбыт    өрөспүүбүлүкэтээҕи олоҥхо  олимпиадатын  түмүгэ таҕыста.

Уус-уран тылынан сааһылаан суруйар,  ааҕар, сиһилии ымпыктаан быһаарар, толкуйдуур, хоһуйар үөрүйэҕи иҥэрэр сүдү айымньы олоҥхо буоларын биллэрэр сыаллаах олимпиадаҕа  7 кылааска-53, 8 кылааска-26 , 9 кылааска-52, 10 кылааска-21 – барыта 152 үөрэнээччи Нам, Таатта, Абый, Ньурба, Мэҥэ-Хаҥалас, Сунтаар, Бүлүү, Уус-Алдан, Үөһээ Бүлүү, Амма, Кэбээйи, Горнай, Ленскэй  улуустарыттан уонна Дьокуускай куораттан  кытынна.

Олоҥхо олимпиадатын сорудаҕа үс түһүмэхтээҕэ. Бастакы түһүмэҕин бастакы чааһыгар олоҥхо ис хоһоонугар сыһыаннаах ыйытыктарга хоруй этэ, бастакы түһүмэх иккис чааһыгар ситэрэр сорудахтардааҕа, онтон иккис чааһыгар  бэриллибит тиэмэҕэ үөрэппит олоҥхолоругар тирэнэн бэйэ суруйуута уонна үһүс түһүмэх  олоҥхо ис хоһоонугар сыһыаннаах тыллары быһаарыы этэ. Элбэх оҕо олоҥхо олимпиадатын бастакы түһүмэҕин бастакы чааһыгар эппиэттээбиттэр эрээри, иккис-үһүс чаастарыгар   эппиэттээбэтэхтэр. Онон  үс түһүмэххэ барытыгар толору эппиэттээбит  эрэ оҕолорго  уопсай түмүк таҕыста.  Үс түһүмэххэ  муҥутуур ылыахтаах баалгыт 120. Ону таhынан биир, икки да түһүмэххэ кыттыбыт  оҕолорго  туоhу сурук бэриллэр.

Кыттыыны ылбыт, миэстэлэспит оҕолорго туоһу сурук уонна диплом   сайаапкаҕа ыйбыт электроннай  почтаҕытыгар ыытыллар. (билсэр нүөмэргит: 89142907841-Февронья Васильевна Ядрихинская)

Олоҥхо олимпиадатыгар көхтөөхтүк  кыттыбыт бары  үөрэнээччилэри уонна учууталлары эҕэрдэлиибит.  Олоҥхону билэр, ааҕар, ырытар дьоҕургут сайда турдун! Ситиһиини!

Өрөспүүбүлүкэтээҕи олоҥхо  олимпиадатын   сорудахтарын ырытыыга, толорууга, тэрээhинигэр сыһыаннаах сэминээр буолар. Сэминээр ахсынныьы ый 9 күнүгэр 16.00 чааска ыытыллыаҕа. Убаастабыллаах учууталлар сэминээргэ  санааҕытын үллэстэргитигэр, көхтөөх кыттыыны ыларгытыгар ыҥырабыт.

Сэминээр Zoom платформаҕа буолуоҕа. Киирэр ссылкаҕыт:

Февронья Васильевна приглашает вас на запланированную конференцию: Zoom.

Тема: Олоҥхо олимпиадатын сорудахтарын ис хоһооно. Ырытыһыы, санаа  атастаһыы. Подключиться к конференции Zoom (09.12.2020)

https://us04web.zoom.us/j/6981136761?pwd=dUhjamdvRUNVbE1Sa2hicnUwMGxqUT09

Идентификатор конференции: 698 113 6761

Код доступа: 7vt8w7

ТҮМҮК:

7 кылаас

8 кылаас

9 кылаас

10 кылаас

Дьүүллүүр сүбэ

Оставьте комментарий

Ваш адрес email не будет опубликован. Обязательные поля помечены *