«Неустроевскай ааҕыылар» өрөспүүбүлүкэтээҕи научнай — практическай кэмпириэнсийэ (кэтэхтэн)

БАЛАҺЫАННЬАТА

1. Бу балаһыанньа кэмпириэнсийэ сыалын, соруктарын, ыытыллар усулуобуйатын быһаарар.

 1.1 Кэмпириэнсийэ сыала — соруга:

—  Классик суруйааччы   Н.Д. Неустроев төрөөбүт норуота уонна уус- уран литературата сайдарыгар  өлбөт- сүппэт  суолу хаалларбытын  кэнчээри ыччакка тиэрдии;

  — Уус-уран айымньы  тылын- өһүн күүһүнэн сиэрдээх киһини иитии;

   — Ааҕыыга  умсугутуу, чинчийэр, ырытар сатабылларга  уһуйуу.

1.2 Кэмпириэнсийэ тэрийээччилэрэ:С.Н.Донской-II аатынан ҮөС уонна ИҮИ, “Таатта улууһун үөрэҕириитин салалтата” МКТ,  «Алдан нэһилиэгэ» МТ салалтата, Н.Д. Неустроев аатынан Уус Таатта орто оскуолата.

 2.Кыттааччылар уонна кэмпириэнсийэ хайысхалара ( секциялара)

2.1 Кэмпириэнсийэҕэ өрөспүүбүлүкэ оскуолаларын 5-11 кылааһын үөрэнээччилэрэ, учууталлар, эбии үөрэхтээһин педагогтара, библиотекардар кытталлар.

2.2   Кэмпириэнсийэ хайысхалара:

  1. « Төрүөбүт сирбэр,  тапталлаах дьоммор…” секция.

Секцияҕа  Н.Д. Неустроев олоҕун туһунан үлэлэр,  музейдартан,  дьиэ кэргэн архыыбыттан суруйааччы айар үлэтигэр уонна кини аймахтарын  олохторугар,   сыһыаннаах экспонаттары чинчийиилэр көрүллэллэр.

  • «Н.Д. Неустроев – кэпсээнньит, комедиограф,  хоһоонньут, тылбаасчыт, фольклорист, чинчийээччи” секция.

Секцияҕа Н.Д. Неустроев уус-уран айымньыларын,  ыстатыйаларын чинчийэр үлэлэр көрүллэллэр.

  • Саха сиригэр уус — уран литература  сайдыытыгар нуучча уонна атын төрүт омуктар тылларынан суруллубут айымньылар суолталара” секция.

Секцияҕа атын тылынан  суруйар Саха сирин суруйааччыларын айымньыларын ырытар — чинчийэр үлэлэр көрүллэллэр

  •  “Н.Д. Неустроев айымньыларынан  айар үлэм» секция.

Секцияҕа Н.Д. Неустроев айымньыларынан литературнай бырайыактар, оонньуулар, мультипликационнай киинэлэр көрүллэллэр.

  • «Төрөөбүт литератураҕа   тапталы иҥэриэх…» учууталлар секциялара.

Секцияҕа   Саха сирин норуоттарын суруйааччыларын олохторун, айар үлэлэрин уруокка уонна  кылаас таһынааҕы  үлэҕэ үөрэтии уопутун тарҕатыы. Кыттаачылар- учууталлар, эбии үөрэхтээһин педагогтара, библиотекардар.

2.3 Реферативнай үлэлэр көрүллүбэттэр.

2.4 Кэмпириэнсийэ  кыттыы: саха уонна нуучча тылынан

3. Кэмпириэнсийэ ыытыллыытын бэрээдэгэ

3.1 Кэмпириэнсийэҕэ бэйэ научнай – чинчийэр үлэтэ биһирэнэр.Бэйэ чинчийиитэ, тиэмэни арыйыыта, матырыйаалы билэрэ сыаналанар.

3.2  Сайаапканы уонна үлэни 2020 сыл сэтинньи ый  21  күнүгэр  диэри маннык электроннай аадырыска ылабыт : Neustroevtatta125@mail.ru   (сайаапка толорууну1 сыһыарыыга көр)

3.3 Дакылаат электроннай көрүҥүнэн  ыытыллар  ( А4 формат, шрифт 12, Times New Roman, интервал- 1,5 стр). Үлэ кээмэйэ  5 стр. иһинэн буолар. Хаартыска уонна иллюстрация jpg.   Бастыҥ үлэлэр тезистэрэ электроннай хомуурунньукка  тахсаллар ( бэчээккэ көҥүллүүр сурук толоруллуутун №2 сыһыарыыга көр). Тезис (үлэ сүрүн ис хоһооно) кээмэйэ – 1-2 стр.

3.4   Н.Д. Неустроев олоҕун, айар үлэтин туһунан дакылааттар Н.Д. Неустроев аатынан Уус Таатта оскуолатын  А.Д. Данилова аатынан түмэл фондатыгар бэриллэр.

4. Финансовай усулуобуйата.

4.1 Тэрийээччилэр кэмпириэнсийэ ыытыллыытын уонна кыайыылаахтары наҕараадалааһын үбүн быһаараллар.

4.2  Кэмпириэнсийэҕэ кыттыы иһин төлөбүр – 100 солк.

5. Түмүк таһаарыы уонна наҕараадалааһын.

5.1 Хайысханан ( секциянан)  үлэ түмүгүн дьүүллүүр сүбэ таһаарар, кыайыылаахтары быһаарар уонна боротокуол оҥорор.

5.2 Кыайыылаахтар Лауреат, I, II,  III степеннээх дипломнарынан наҕараадаланаллар.Үөрэнээччилэр секциялара  кыттааччы ахсааныттан көрөн II бөлөххө арахсыан сөп: I бөлөх – 5-8 кыл., II бөлөх – 9-11 кыл.   Кэмпириэнсийэ кыттаачыларыгар   Туоһу сурук ( сертификат) бэриллэр.

Эбии бэлиэтээһин: кэмпириэнсийэ ааспыт үөрэх сылыгар, кулун тутар 20 күнүгэр 2020 с.,былааннаммыта, ол эрээри пандемиянан сибээстээн көһөрүллүбүтэ.Онон,  бу  чахчыны учуоттаан туран, 2020 сылга 11 кылааһы бүтэрбит оҕолор үлэлэрэ эмиэ көрүллэр.

6. Кэмпириэнсийэ туһунан информацияны билсиһии

1.Шишигина Василиса Романовна, С.Н.Донской-II аатынан ҮөС уонна ИҮИыстаарсай преподавателэ, сот. 89142931107, Ядрихинская Феврония Васильевна, С.Н.Донской-II аатынан ҮөС уонна ИҮИпреподавателэ, сот. 89142907841

1. Луковцева Мира Николаевна, «Таатта улууһа үөрэҕириитин салалтата» МКТ начальнигын солбуйааччыта , сот. 89142764850

2. Колодезникова Галина Иннокентьевна, Н.Д. Неустроев аатынан Уус Таатта орто оскуолатын  директорын солбуйааччыта, сот. 89248719399, раб.тел.  8411(52) 28-856 

Эл. аадырыс :  Neustroevtatta125@mail.ru   

3. Неустроева Евдокия Гаврильевна,  Н.Д. Неустроев аатынан Уус Таатта орто оскуолатын учуутала, сот. 89248761757

БАЛАhЫАННЬА

Оставьте комментарий

Ваш адрес email не будет опубликован. Обязательные поля помечены *