Эдэр ыалга туһаайыллыбыт тэрээһин

Ахсынньы 15 күнүгэр  В.С.СоловьевБолотБоотураатынанХатылыортооскуолатыгар «Тыасиринсайдаркэскилээдэрыал» диэн  улуустааҕыТөрөппүтмунньаҕабуолла, эдэр төрөппүт   оҕотун иитиитин  кыра сааһыттан саҕалаан, уйулҕа уонна норуот педагогикатын ньымаларын табыгастаахтык туттарыгар  туһуланна. 

Төрөппүттэри сылаас үүттээх чэйинэн, алаадьынан, саламаатынан Хатылы нэһилиэгин эдэр ийэлэрэ көрүстүлэр. Хатылы уһуйаанын  төрөппүттэрин уонна оскуола оҕолорун оҥоһуктарын быыстапката дьон сэҥээритин ылла «Тыа сирин сайдар кэскилэ – эдэр ыал» диэн тэрээһиҥҥэ  уопсайа   77  төрөппүт улуус бары  нэһилиэгиттэн кэлэн кыттыыны ылла.

Төрөппүттэргэ аналлаах консультационнай пууннар үлэлээтилэр, ол курдук, Гоголева С.П.-«Туллукчаан»  уһуйаан  логопеда, Собакина С.И. «Березка» уһуйаан  дефектолога, Артемьева С.В. «Березка» уһуйаан логопеда, культура  управлениятын юриһа Дьячковский  А.М., Сылаҥ ОО социальнай  педагога Сивцева Е.И.,  Болтоҥо ОО психолога Монастырева Ж.П. кэлбит дьоҥҥо наадалаах сүбэлэри, туһааннаах боппуруостарга эппиэт биэрдилэр. Маны сэргэ Адамов Г.И., П.И., Е.И.Поповтар дьиэ-кэргэҥҥэ  оҕону иитиигэ  туһаайыллыбыт кинигэлэрэ хамаҕатык атыыга барда.

            Мунньахха кыттыыны ыллылар: Петрова Маргарита Константиновна – педагогическай үлэ бэтэрээнэ, Саха өрөспүүбүлүкэтин үөрэҕириитин үтүөлээх үлэһитэ, “Матери России” общественнай хамсааһын Саха сирин салаатын президиумун чилиэнэ; Сабарайкина Татьяна Васильевна, Саха өрөспүүбүлүкэтин  үөрэҕириитин туйгуна, Российскай федерация уопсай үөрэхтээһин бочуоттаах үлэһитэ, “Инсайт” психологическай киин дириэктэрэ; Адамов Гаврил Иннокентьевич Семен Николаевич Донской аатынан Үөрэҕи сайыннарар уонна идэни үрдэтэр институт старшай преподавателэ. 

Чурапчы улууһа (оройуона) муниципальнай тэриллии дьаһалтатын баһылыгын социальнай боппуруостарга солбуйааччыта Петрова О.Ф., улуустааҕы үөрэх управлениятын начаалынньыгын солбуйааччыта Федорова Н.Е., «Хатылы нэһилиэгэ» МТ дьаһалтатын баһлыга У.Н.Атласова  мунньах кыттыылаахтарын эҕэрдэлээтилэр.

Эдэр төрөппүккэ аналлаах  экспресс- анкета ыытыллыбытыгар  49 төрөппүт эппиэтээтэ. Бу анкета  үөрэх тэрилтэлэрин, уһуйааны, оскуоланы эдэр төрөппүттэр хайдах сыаналыылларын көрдөрөр. Экспресс анкета түмүгүнэн төрөппүттэр  оскуола психологическай комфорта,   төрөппүт иитээччини уонна учуталы кытта сыһыана үчүгэй диэн сыаналаабыттар.

«Иитэр, үөрэтэр үлэ – төрөппүт хараҕынан» бөлөҕу  үлэлэттилэр   Оконешникова М.П., Адамов Г.И. Манна өбүгэ үгэһин туһаныахха, оҕоҕо атас, доҕор, табаарыс буолуохха, иитиигэ эбээ, эһээ кыттыһара  оруннаах, туһалаах, төрөппүт активнаһын үрдэтэргэ ньымалары толкуйдуохха, Мугудай нэһилиэгин  «Сарыал» эдэр аҕалар түмсүүлэрин опытын тарҕатыахха диэн сүбэлэстилэр.

«Оҕону иитиигэ төрөппүт эппиэтинэһэ» бөлөҕу иилээн-саҕалаан  ыыттылар Винокурова И.Г., Петрова М.К. Эдэр төрөппүттэр оҕо уонна төрөппүт сыһыанагар, дьиэ-кэргэн бүттүүн кыттар дьаһаллара тэриллэллэрин баҕаралларын биллэрдилэр. Манна тэриллибит консультационнай пууннар  үлэлэрин сэҥээрдилэр, чаастатык үлэлиирэ буоллар диэн эттилэр.

             «Оҕо иитиитэ — төрөппүт илиитигэр» бөлөҕу салайдылар   Винокурова Л.Г., Сабарайкина Т.В. Оҕону хас сааһыттан иитэбит, онно тугу учуоттуубутуй диэҥҥэ туһалаах сүбэлэри ыллылар, кэпсэтигэ кытыннылар. Эдэр ыаллар союзтарын тэрийиэххэ, нэһилиэктэн биирдии ыал киирэрин ситиһиэххэ диэн ыҥырыы таһаардылар.

Түмүккэ  эдэр төрөппүттэр тахсаннар бөлөхтөрүн үлэлэрин билиһиннэрдилэр, тэҥҥэ үлэлэһэргэ баҕаларын биллэрдилэр. Эдэр ыаллар союзтарын тэрийиэххэ, нэһилиэктэн биирдии ыал киирэрин ситиһиэххэ диэн ыҥырыы таһаардылар.

Төрөппүттэр  оҕолору иитии-үөрэтии уһуйааны, оскуоланы  кытары бииргэ ылыстахха эрэ көдьүүһэ түмүктээх буоларын бары бигэтик өйдөөн тарҕастылар.

 

                    Общественноһы кытта сибээс отдела

]]>

Оставьте комментарий

Ваш адрес email не будет опубликован. Обязательные поля помечены *